“Qiyamət qopacaq” - İranla müharibə qərarı verildi

Donald Trampın yenidən ABŞ prezidenti kimi Ağ Evə qayıtması ilə İran və onun nüvə proqramına görə böyük oyun başlayır.

Milli.Az xəbər verir ki, bu barədə "Yerusəlim Post" yazır.

Nəşr xatırladır ki, Baş nazir Binyamin Netanyahudan tutmuş müdafiə naziri Yisrael Katza qədər yüksək səviyyəli İsrail rəsmiləri İranın nüvə obyektlərinə açıq və dramatik potensial hücum barədə çoxsaylı bəyanatlar veriblər:

"İsrail rəsmilərinin açıq bəyanatlarının tonuna baxsaq, yaxın səkkiz və ya 2025-ci ilin birinci yarısında bir üzləşmə və ya ola bilsin, "Qiyamət günü" olacaq. Çox güman ki, yaxın gələcəkdə Tramp, İsrail və Qərb nüvə proqramını geri götürərsə, İrana hücum və sanksiyalardan yaxa qurtarmaq üçün danışıqlar yolunu açacaqlar".

İsrail nəşri hesab edir ki, bu danışıqların uğurlu olub-olmayacağı Trampın Tehrana tələblərindən və bunların yerinə yetirilməsi üçün verəcəyi vaxtdan asılı olacaq.

Bununla belə, materialda artıq İsraildə İranla mümkün savaşla bağlı qərarın verildiyinə diqqət çəkilir:

"Mövcud qarışıq fonda yüksək səviyyəli bir avropalı diplomat "Əl-Ərəbiyyə"yə deyib ki, İsrail artıq İrana zərbə endirmək qərarına gəlib və müzakirəyə çıxarılacaq yeganə məsələnin vaxtdır:

"İnanırıq ki, İsrail son bir neçə ayda Yaxın Şərqdə baş verən hadisələrdən sonra hücum qərarını verib".

"Yerisəlim Post" qeyd edir ki, Tramp dönəmində İrana təzyiqlər ən yüksək zirvəsinə qalxacaq:

"Bu, daha yaxşı nüvə sazişi üçün şərtləri müəyyən edə bilər. Paralel olaraq, İranın ali rəhbəri Əli Xameneyi bu müharibə boyu dəfələrlə səhv hesablamalar aparıb, o, yenə də bunu edə bilər.

20 ildən çox davam edən nüvə danışıqları, müxtəlif sövdələşmə və anlaşmalardan sonra gedişat Tehranın nüvə proqramına faktiki hücuma və İsraillə İran arasında hər kəsin indiyə qədər qaçmağa çalışdığı qısa, amma son dərəcə təhlükəli mini müharibəyə gətirib çıxara bilər. Bu qaranlıq ssenarilərdən qaçmağa ümid edən avropalı diplomatlar Xameneyiyə eyham vurmağa çalışırlar. İndi onun bunu qəbul edib-etməyəcəyini görmək qalır". /Teleqraf.com

Milli.Az