Dünya

Putinə dəstək üçün əsgər yollayan Kimə Zelenskidən təklif

13 Yanvar 2025 10:09

Baxış: 3 021

VTB-də minimal faiz dərəcəsi ilə nağd kredit 9.9%-dən

#DÜNYADA #SİYASƏT #ŞİMALİ KOREYA #RUSİYA-UKRAYNA MÜHARİBƏSİ

Ukrayna Prezidenti Volodimir Zelenski Rusiyada saxlanılan Ukrayna əsgərlərinin dəyişdirilməsini təşkil edəcəyi təqdirdə, əsir götürülmüş Şimali Koreya əsgərlərini vətənlərinə qaytarmağa hazır olduqlarını bildirib.

Milli.Az xəbər verir ki, Rusiyanın Kursk bölgəsində iki Şimali Koreya əsgərinin əsir alınmasından sonra Zelenskinin bu təklifi Şimali Koreya lideri Kim Çen Ina çatdırılıb. Sosial media platformasında açıqlama verən Zelenski yaxın günlərdə daha çox Şimali Koreya əsgərinin əsir alınmasının mümkün olduğunu qeyd edib və Rusiyanın Şimali Koreyadan aldığı hərbi yardımlara ehtiyacı olduğunu vurğulayıb.

Zelenski bildirib ki, Vladimir Putin üç il əvvəl NATO-ya qarşı ultimatumlar verərək başladığı siyasəti indi Pxenyanın hərbi dəstəyi olmadan davam etdirə bilmir. Əsir götürülən Şimali Koreya əsgərlərinin başqa seçimlərinin də ola biləcəyini qeyd edən Zelenski, Koreyada müharibə ilə bağlı həqiqətləri yaymaq istəyənlər üçün xüsusi imkanların yaradılacağını bildirib.

Ukrayna Təhlükəsizlik Xidməti əsir götürülən əsgərlərin tibbi yardım aldığını və həyatlarının təhlükədə olmadığını təsdiqləyib. Əsgərlərdən birinin Ukraynaya qarşı döyüşmək niyyətində olmadığını, sadəcə təlim üçün Rusiyaya göndərildiyini düşündüyü bildirilib. Kim Çen Inın bu təklifə necə cavab verəcəyi maraqla gözlənilir.

İslam
Milli.Az