Dünya

Makron ötən ildə ən pis günlərini yaşayıb

31 Dekabr 2024 16:33
Baxış: 666
VTB-də minimal faiz dərəcəsi ilə nağd kredit 9.9%-dən
#DÜNYADA #FRANCE #FRANSA

2024-cü il Fransa Prezidenti Emmanuel Makronun siyasi karyerasında ən uğursuz illərdən biri olub.

Milli.Az xəbər verir ki, "Euronews"un ilin ən uğurlu və uğursuz siyasətçiləri haqqında icmalında bildirilir ki, Fransadakı siyasi və iqtisadi çətinliklər onun karyerasını təhlükə altına alır.

Məqalə müəlliflərinin fikrincə, bir zamanlar Makron ən güclü və avropayönümlü milli liderlərdən biri hesab olunurdu, lakin indi görünür ki, onun qarşısında "axsaq ördək" olmaq dayanır.

Hər halda, bu il Fransa Prezidenti üçün fəlakətli olub. İyunda Avropa Parlamentinə seçkilərdə onun ifrat sağçı rəqibləri - "Milli Birlik" 81 yerdən 30-nu qazanıb. Bunun ardınca ölkədə keçirilən növbədənkənar seçkilər Milli Assambleyada mərkəzçi çoxluğun itirilməsi ilə nəticələnib.

Sabiq Avropa komissarı Mişel Barnyenin rəhbərliyi altında hökumət qurmaq cəhdi 2025-ci il büdcəsi üzrə konsensusa nail olmağa çalışarkən uğursuzluğa düçar olub.

Onun varisi, makronçu Fransua Bayrunun daha çox şeyə nail olacağı fakt deyil. Bundan əlavə, Paris avrozonada ən yüksək kəsirlərdən birini azaltmağı tələb edən Brüsselin təzyiqi altındadır. /Report

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.