PUL
.jpg)
Dünya şöhrətli milyarder Uorren Baffetin rəhbərlik etdiyi "Berkshire Hathaway"in pul ehtiyatları şirkət tarixində ən yüksək həddə çatıb.
Milli.Az xarici mediaya istinadən xəbər verir ki, 94 yaşlı milyarder yeni ilə 325 milyard dollar (təxminən 11 trilyon 446 milyard TL) qənaətlə qədəm qoyarkən, Buffetin sərvətini niyə nağd saxladığı maraq mövzusuna çevrilib.
Mütəxəssislərin fikrincə, Baffetin nəhəng nağd pul yığımının əsas səbəbi bazarda həddən artıq qiymətləndirilmiş səhmlər və investisiya imkanlarının olmaması ola bilər. "Buffet Göstəricisi" kimi tanınan ABŞ səhmlərinin ümumi bazar dəyərinin ÜDM-ə nisbəti 209 faizlə bütün zamanların ən yüksək səviyyəsinə çatıb.
Glenview Trust Şirkətinin baş investisiya direktoru Bill Stoun deyib: "Baffetin pul yığımı bazarın həddindən artıq qiymətləndirilməsi və keyfiyyətli şirkətləri sərfəli qiymətlərlə tapa bilməməsi ilə əlaqədardır".
Qeyd edək ki, "Berkshire Hathaway" ABŞ-ın enerji şirkəti Occidental Petroleum-un 8,9 milyon səhmini 405 milyon dollara satın alaraq, şirkətdəki payını 28 faizdən çox artırıb. Bu alış Baffetin enerji sektoruna marağını bir daha nümayiş etdirib.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
