Dünya

Suriya müxalifəti Dəməşqi tutdu - Bəşər Əsəd hakimiyyəti başa çatdı

8 Dekabr 2024 09:31

Baxış: 1 239

VTB-də minimal faiz dərəcəsi ilə nağd kredit 9.9%-dən

#DÜNYADA #SURİYA #YAXIN ŞƏRQ

Suriyada müxalifət qüvvələri paytaxt Dəməşqi ələ keçiriblər.

Milli.Az oxu.az-a istinadən xəbər verir ki, bu barədə "Əl-Cəzirə" və "Reuters" məlumat yayıb.

Məlumata görə, Suriyanın Baş naziri Məhəmməd Qazi əl-Cəlali xalqın seçdiyi istənilən rəhbərliklə əməkdaşlığa hazır olduğunu bəyan edib. O, hakimiyyəti sülh yolu ilə təhvil verməyə hazır olduğunu açıqlayıb.

Suriya ordusunun komandanlığı zabitləri Bəşər Əsədin hakimiyyətinin başa çatması barədə xəbərdar edib.

"Suriya ordusunun komandanlığı prezident Bəşər Əsədin 24 illik avtoritar hakimiyyətinin sona çatması barədə zabitlərə məlumat verib" - üsyançıların bəyanatında deyilir.

Bildirilir ki, Suriya Prezidenti Bəşər Əsəd ölkədəki son hadisələr fonunda paytaxt Dəməşqi tərk edib. Onun təyyarəsi naməlum istiqamətə uçub.

Milli.Az