Dünya

NATO qoşunlarını Ukraynaya göndərilir? - Sunak aydınlıq gətirdi

15 İyun 2024 08:37

Baxış: 710

VTB-də minimal faiz dərəcəsi ilə nağd kredit 10.49%-dən

#UKRAYNA #NATO #BRİTANİYA

Böyük Britaniyanın Baş naziri Rişi Sunak NATO qoşunlarını Ukraynaya göndərmək haqqında düşünmədiyini bildirib.

Milli.Az report.az-a istinadən xəbər verir ki, bu barədə Böyük Britaniya lideri "La Repubblica" qəzetinə müsahibəsində fikirlərini bölüşüb.

Onun fikrincə, İtaliyada keçirilən Yeddilik Qrupu (G7) sammitində Rusiyanın dondurulmuş aktivlərindən əldə edilən gəlirin Ukraynanın ehtiyacları üçün istifadəsi barədə qərar "G7-nin hər şeyə hazır olduğunun" nümayişi idi.

"Biz müdafiəyə qoyulan sərmayəmizi artırmalıyıq, çünki dünya onilliklər ərzində heç vaxt olmadığı qədər təhlükəli və gözlənilməzdir", - o deyib.

Rusiya ərazisindəki hədəflərə qarşı Qərb silahlarından istifadə edilməsinə gəlincə, onun sözlərinə görə, raketlər "beynəlxalq humanitar qanunlara uyğun olaraq" istifadə edilməlidir.

Milli.Az
Xəbərlərimizi WhatsApp kanalımızdan da oxuyun