Dünya

Tusk Rəisiyə görə prezidenti kəskin tənqid etdi: Sərhədi keçib

21 May 2024 09:45

Baxış: 4 865

#IRAN #POLAND #SƏRHƏD

Polşa Prezidenti Andjey Duda Smolensk yaxınlığında təyyarə qəzasında həlak olan Polşa lideri Lex Kaçinskini İran Prezidenti İbrahim Rəisi ilə müqayisə edərək sərhədi keçib.

Milli.Az axar.az-a istinadən bildirir ki, bunu Polşa Baş naziri Donald Tusk TVN24 telekanalına müsahibəsində deyib.

"Başqa ölkənin prezidenti fəlakətin qurbanı olub, ona görə də Polşa prezidentinin üzərinə müəyyən diplomatik öhdəliklər (başsağlığı vermək - red.) düşür. Mənə elə gəlir ki, prezident başsağlığı verərkən lazımsız yerə sərhədi keçib. Xüsusən də Lex Kaçinskini İran prezidenti ilə müqayisə edərək. Bilmirəm, bəlkə də istəmədən belə edib. Amma bu, qəbuledilməzdir. Ola bilsin ki, prezident emosional olub və ya tələsik davranıb", - D.Tusk vurğulayıb.

Qeyd edək ki, daha öncə Duda X hesabında İran prezidentinin helikopterinin qəzaya uğraması ilə bağlı başsağlığında yalnız bir neçə xalqın öz tarixində belə faciəli səhifələr olduğunu bildirib.

Milli.Az
Xəbərlərimizi WhatsApp kanalımızdan da oxuyun