Dünya

Avropada təbii qaz KƏSKİN UCUZLAŞDI

31 Mart 2024 13:48

Baxış: 740

VTB-də minimal faiz dərəcəsi ilə nağd kredit 9.9%-dən

#AVROPA #QAZ #QİYMƏT

Avropada qazın qiyməti aşağı düşüb. İllik ifadədə azalma 38 faiz təşkil edib.

Milli.Az publika.az-a istinadən xəbər verir ki, bunu London ICE Futures birjasının məlumatları sübut edir .

Qeyd olunur ki, birinci rübdə Avropada qazın qiyməti ötən ilin sonundakı səviyyələrlə müqayisədə 17 faiz azalaraq min kubmetr üçün təxminən 306 dollar təşkil edib.

Dekabrda qazın orta qiyməti min kubmetr üçün təxminən 408 dollar təşkil edib. Yanvarda bu rəqəm 337 dollara düşüb. Fevral ayında eniş 288 dollara qədər sürətlənib. Mart ayında qiymətlərə cüzi düzəlişlər edilib.

Bir müddət əvvəl Avropanın enerji məsələləri üzrə komissarı Kadri Simson bildirmişdi ki, Avropa İttifaqı Ukrayna və Rusiya arasında qaz tranziti ilə bağlı sazişin 2024-cü ildən sonra uzadılmasının əleyhinədir. Onun sözlərinə görə, ölkələr gələcəkdə Ukrayna infrastrukturundan necə istifadə etməyi öyrənəcəklər. Ukraynanın baş naziri Denis Şmıqal bildirib ki, Kiyev də sazişin uzadılmasına qarşıdır, lakin avropalı tərəfdaşlar üçün belə bir xidmət göstərməyə razıdır.

Milli.Az
Xəbərlərimizi WhatsApp kanalımızdan da oxuyun