Dünya

Ermənistanın Hindistanla növbəti hərbi alış-verişi

8 Noyabr 2023 17:20

Baxış: 739

VTB-də minimal faiz dərəcəsi ilə nağd kredit 10.49%-dən

#ERMƏNİSTAN #HİNDİSTAN

Ermənistan Hindistandan pilotsuz uçuş aparatları (PUA) ilə mübarizə üçün sistem alacaq.

Milli.Az APA-ya istinadən bildirir ki, bu barədə "Eurasian Times" öz mənbələrinə istinadən məlumat yayıb.

Məlumatda deyilir ki, Ermənistan Hindistandan yerli istehsal olan "Zen" PUA əleyhinə sistemin alınması ilə bağlı dəyəri 41,5 milyon dollar olan müqavilə imzalayıb.

Müqaviləyə sistemin alınması və hərbi kadrların hazırlanması üçün vəsait daxildir.

Qeyd olunub ki, haqqında sözügedən sistem PUA-ları aşkarlayır, onların növünü müəyyən edir, kəşfiyyatı həyata keçirir və aparatların rabitə sistemini pozaraq təhlükəni aradan qaldırır.

Xatırladaq ki, 2022-ci ildə Hindistan Ermənistanla "Pinaka" raket sistemi, tank əleyhinə və digər döyüş sursatlarının tədarükünə dair 250 milyon dollarlıq müqavilə imzalayıb.

Milli.Az

Xəbərlərimizi WhatsApp kanalımızdan da oxuyun