Dünya

ABŞ separatçılar qarşısında geri çəkilib

16 Sentyabr 2023 17:51
Baxış: 1 246
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #ABŞ

Azərbaycan və Ermənistan xarici işlər nazirlərinin rəsmi Vaşinqtonun vasitəçiliyi ilə keçirilmiş son görüşündə sentyabrın 1-dən bölgədə yolların açılması və Ağdam-Xankəndi marşrutunun işə düşməsi razılaşdırılıbmış.

Milli.Az APA-ya istinadən bildirir ki, ABŞ bu razılaşmanın əsas iştirakçısı olub.

ABŞ dövlət katibi Entoni Blinken Azərbaycan rəhbərliyi ilə danışıqlarda həm Laçın, həm Ağdam yolunun açılmasını xahiş edib. Amma daha sonra Ermənistan və separatçılar bu razılaşmaya müqavimət göstərib. Bundan sonra isə ABŞ mövqeyindən geri çəkilib.

Çünki bu gün istər Dövlət Departamenti, istərsə də Konqresdə yalnız Laçın yolunun açılmasının zəruriliyindən danışılır.

Bu isə o deməkdir ki, məhz ABŞ-dakı erməni lobbisinin səsinin əsirinə çevrilən ABŞ siyasətçiləri öz qətiyyətsizliklərini Azərbaycandan "günahkar" obrazı yaratmaqla pərdələməyə çalışırlar. Başqa bölgələrdə separatçılara qarşı amansız mövqeyi ilə seçilən rəsmi Vaşinqtonun Qarabağdakı separatçı rejimin etirazını "nəzərə almasının" səbəbi isə problemi daha da dərinləşdirmək istəyi ilə bağlıdır. Çünki bölgədə problemlər olub, Ermənistan və Azərbaycan arasında konstruktiv kommunikasiya bərpa olunmadığı müddətcə ABŞ da digər böyük güclər kimi tərəflərə təzyiq imkanlarını saxlayır.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.