Dünya

79 il birlikdə yaşayan həyat yoldaşları 20 saat fərqlə dünyasını dəyişdi

9 Dekabr 2022 06:44
Baxış: 1 224

ABŞ-ın Ohayo ştatından 79 il birlikdə yaşayan 100 yaşlı Hyubert və Djun Malikot cütlüyü 20 saat fərqlə dünyasını dəyişib.

Milli.Az bildirir ki, bu barədə "WCPO 9 News" məlumat yayıb.

Mərhumun 76 yaşlı oğlu Semin dediyinə görə, Şükran günündən sonra Djun ağır xəstələnib və xəstəxanaya düşüb. Hyubert həyat yoldaşına baş çəkib onun vəziyyətinin ağır olduğunu görən kimi onun da səhhəti sürətlə pisləşməyə başlayıb. Kişi eyni xəstəxanaya qəbul edilib və Djun ilə eyni otağa yerləşdirilib.

Cütlük bir neçə gün huşsuz qalıb. Kişi noyabrın 30-da axşam, həyat yoldaşı isə təxminən 20 saat sonra, dekabrın 1-də dünyasını dəyişib. Sem əmindir ki, Hyubertin ölümünün səbəbi Djunun ağır vəziyyəti ilə bağlı narahatlıq olub.

Cütlüyün üç övladı, yeddi nəvəsi və 11 nəticəsi qalıb. Cütlük 1943-cü ildə evlənib. 79 il ərzində Djun və Hyubert yalnız bir dəfə, kişi orduda xidmət edərkən ayrılıblar. Bundan başqa, onlar heç vaxt ciddi mübahisə etməyiblər. "Əgər fikir ayrılığı olarsa, bir neçə dəqiqəlik ayrılmağa məcbur ola bilərsiniz. Sonra qayıdıb mövzunu dəyişdirin və ya problemi həll edin", - Hyubert bildirib. Kişi həyat yoldaşı olmadan həyatı təsəvvür edə bilməyəcəyini iddia edib. Mərhum həyat yoldaşlarının qızının dediyinə görə, hər axşam onlar əl-ələ tutaraq bir-birlərinə xeyirli gecələr arzulayıblar və səhər bir-birlərini yenidən görməyə inanılmaz dərəcədə seviniblər.

İrfan Vəliyev
Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics