Dünya

Beynəlxalq təşkilat: Ermənistan hakimiyyətini uydurma işlərə son qoymağa çağırırıq

30 Noyabr 2022 07:35
Baxış: 822

Dünyanın ən böyük və məşhur siyasi qruplarından olan Mərkəzçi Demokrat İnternasionalı (CDI) Ermənistan hakimiyyətini uydurma işlərə son qoymağa çağırıb.

Milli.Az "report"a istinadən xəbər verir ki, bu barədə təşkilatın bəyanatında bildirilib.

Mərkəzçi Demokrat İnternasionalı Ermənistanda demokratiyanın pisləşdiyini vurğulayıb. Qeyd edilib ki, təşkilat Ermənistanda son vaxtlar demokratiyanın tənəzzülü tendensiyasını böyük narahatlıqla izləyir.

"Xüsusən, Ermənistanın Respublikaçılar Partiyasının sədr müavini (CDI-nin üzvü - red) Armen Aşotyana lazımi hüquqi xəbərdarlıq edilmədən İrəvan hava limanında qəfil səyahət qadağası qoyulmasını pisləyirik.

Ermənistan Konstitusiyası, qanunları və qaydaları kobud şəkildə pozulur.

İnsanların sərbəst hərəkət erməsi fundamental hüquqdur ki, bu da Ermənistan Konstitusiyası ilə təmin edilir və bu halda əsaslandırılmayan müstəsna hallarda məhdudlaşdırıla bilər.

Mərkəzçi Demokrat İnternasionalı Ermənistan hakimiyyətinə ölkədə azadlıq, demokratiya və qanunun aliliyi kimi fundamental hüquqların təmin edilməsində məsuliyyətlərini xatırladır.

Biz Ermənistan hökumətini siyasi motivli uydurma işlərə son qoymağa və opponentlərə qarşı hüquq-mühafizə orqanlarının səlahiyyətlərindən növbəti sui-istifadənin qarşısını almağa çağırırıq.

Fundamental hüquqlara və prinsiplərə tam riayət olunmasını təmin etmək üçün vəziyyəti diqqətlə izləyəcəyik", - Mərkəzçi Demokrat İnternasionalının bəyanatında deyilir.

Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics