Dünya

Yalın əli ilə silahlı cinayətkarı zərərsizləşdirdi

24 Noyabr 2022 20:02
Baxış: 687
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-ın Kolorado ştatından olan 45 yaşlı veteran Riçard Fierro silahlı cinayətkarı yalın əli ilə zərərsizləşdirib və onlarla gecə klubunun müştərilərini xilas edib.

Milli.Az bildirir ki, bu barədə "The New York Times" xəbər verir.

Fierro 15 il ABŞ ordusunda xidmət edib, İraq və Əfqanıstanda hərbi əməliyyatlarda iştirak edib və 2013-cü ildə təqaüdə çıxıb. O, uzun müddət posttravmatik stress pozğunluğundan əziyyət çəkib və qohumlarına əsəbiləşib, ancaq psixoloqun köməyi ilə bu xəstəliklə mübarizə aparıb və nəhayət, dinc həyata alışa bilib, sevimli ər və ata olub.

Kişi noyabrın 19-da həyat yoldaşı, dostları, qızı və onun sevgilisi ilə gecə klubuna gedib. Birdən binada atəş səsləri eşidilib. Fierro dərhal yerə uzanıb və dostunu da dartıb. Kişi ətrafa baxıb və gülləkeçirməz jiletdə və əlində tüfənglə fərq qoymadan insanlara atəş açan bir cinayətkarı görüb. Keçmiş hərbçi yerindən sıçrayaraq atəş açan şəxsə yaxınlaşıb, yerə yıxıb və onun üstünə atılıb. Fierro deyib: "Mən sadəcə bilirdim ki, bu adam bizi öldürməzdən əvvəl onu öldürməliyəm". Kişi jurnalistlərə deyib ki, mexaniki hərəkət edib, çünki beyin özü bədəni döyüş rejiminə keçirib.

Cinayətkarın silahı yerə düşüb, lakin o, başqa tapança çıxarıb. "Mən tapançanı onun əlindən aldım və dəfələrlə başına vurmağa başladım", - Fierro deyib. Kişi polis gələnə qədər təcavüzkarı tutub döyüb. Hüquq-mühafizə orqanlarının əməkdaşları müəssisəyə daxil olanda cinayətkar daha müqavimət göstərməyib. Keçmiş hərbçinin sözlərinə görə, cinayətkarı öldürdüyündən qorxub. Qan içində olan Fierro yerdən qalxaraq ailəsini axtarmağa başlayıb. O, yerdə uzanmış yaralı dostlarını görüb. Biri sinəsindən və qolundan bir neçə güllə yarası alıb, digəri isə ayağından yaralanıb. Kişi polisdən sarğıları götürərək qanaxmanı dayandırmağa çalışıb.

Hüquq-mühafizə orqanlarının əməkdaşları əvvəlcə əlində silah olan Fierronun ziyarətçilər üçün təhlükə olduğuna qərar veriblər. Adamın qollarını qandallayıb polis maşınının arxa oturacağına oturdublar. Bir müddət sonra Fierro sərbəst buraxılıb. Daha sonra yüngül bədən xəsarətləri alan həyat yoldaşı və qızı ilə birlikdə xəstəxanaya aparılıb. Ailəsi və dostları sağ olublar, lakin qızının sevgilisi tapılmayıb. Ertəsi gün Fierronun ailəsinə anasından telefon zəngi gəlib. O, oğlunun silahlı hücum zamanı öldürüldüyünü bildirib.

Cinayətkar həbs edilib. Onun 22 yaşlı Anderson Li Aldriç olduğu ortaya çıxıb. O, beş nəfəri öldürməkdə və daha 18 ziyarətçini yaralamaqda ittiham olunub. Rəsmilərin dediyinə görə, Fierro atəş açan şəxsi dayandırmasaydı, ölənlərin sayı daha çox ola bilərdi.

İrfan Vəliyev
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.