Dünya

Ukrayna Rusiyanın qismən səfərbərlik elan etməsinə münasibət bildirdi

21 Sentyabr 2022 11:54
Baxış: 2 059
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Ukraynanın məhv edilməsini tələb edənlər səfərbərlik əldə etdilər".

Milli.Az "Report"a istinadən xəbər verir ki, bunu Ukrayna Prezident Ofisinin rəhbərinin müşaviri Mixaylo Podolyak tviterdə yazıb.

"Üçgünlük müharibə"nin 210-cu günü gedirdi. Ukraynanın məhv edilməsini tələb edən rusiyalılar, nəhayət, əldə etdilər:

1. Səfərbərlik;

2. Sərhədlərin bağlanması, bank hesablarının dondurulması;

3. Fərariliyə görə həbsxana;

4. Özəl Hərbi Şirkətlərdəki döyüşçülər üçün xüsusi məhbus dəstələri.

Hər şey hələ də plana uyğun gedir, deyilmi? Həyatın çox gözəl yumor hissi var", - Prezident Ofisinin rəsmisi qeyd edib. 

Qeyd edək ki, Rusiya Prezidenti Vladimir Putin bu gün xalqa müraciətində ölkədə qismən səfərbərlik elan olunduğunu açıqlayıb. Rusiyanın müdafiə naziri ordu generalı Sergey Şoyqu isə ehtiyatda olan 300 min nəfərin qismən səfərbərlik çərçivəsində orduya çağırılacağını bildirib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.