Dünya

Ailə çoxdan arzuladığı tətilə getdi, təyyarə qəzasında faciəvi şəkildə öldü

1 Sentyabr 2022 15:00

Baxış: 1 189

VTB-də minimal faiz dərəcəsi ilə nağd kredit 10.49%-dən

#ALMANİYA

Almaniyadan olan bir ailə üzvləri Namibiyaya xəyal tətilinə gediblər və kiçik bir təyyarə qəzasından sonra faciəvi şəkildə ölüblər.

Milli.Az bildirir ki, bu barədə "Mirror" yazır.

Nəşrin məlumatına görə, 59 yaşlı Tomas Rinqs həyat yoldaşı 57 yaşlı Evelin və iki uşağı, 19 yaşlı Alisiya və 17 yaşlı Paulina ilə birlikdə İmpalila adasından paytaxt Vindhuka getmək üçün təyyarə icarəyə götürüblər.

Lakin havaya qalxdıqdan bir neçə saniyə sonra təyyarə Zambezi çayına düşüb. Hadisə şahidlərinin sözlərinə görə, turistlər batan qalıqların altından çıxa bilməyiblər. Səyyahlarla birlikdə təyyarənin pilotu Nikol Meyn də həlak olub.

Hadisə yerinə gələn təcili yardım xidmətləri ölənlərin cəsədlərini sahilə çıxara biliblər. Qeyd olunur ki, çayda timsah və begemot olduğu üçün təyyarənin qalıqlarını əldə etmək çətindir. Qəzanın səbəbləri araşdırılır.

İrfan Vəliyev
Milli.Az