Dünya

Pelosi Tayvandan sonra bu ölkəyə getdi

4 Avqust 2022 20:09
0 Şərh     Baxış: 744
VTB-də minimal faiz dərəcəsi ilə nağd kredit 9.9%-dən
#DÜNYADA

ABŞ Konqresinin Nümayəndələr Palatasının spikeri Nensi Pelosinin xüsusi reysi cümə axşamı Tokio prefekturasındakı Yokota Hərbi Hava Qüvvələri bazasına eniş edib.

Milli.Az "qafqazinfo"-ya istinadən xəbər verir ki, bu barədə "Nikkei" qəzetinin saytında dərc olunan materialda deyilir.

Yaponiya Xarici İşlər Nazirliyinin məlumatına görə, Pelosi Yaponiyanın Baş naziri Fumio Kişida ilə işçi səhər yeməyi formatında görüşəcək. Onlar Tokio və Vaşinqton arasında münasibətləri, həmçinin Tayvan və Şimali Koreya ətrafındakı vəziyyəti müzakirə edə bilərlər. Bundan əlavə, Pelosi ilə Yaponiya parlamentinin aşağı palatasının rəhbəri Hiroyuki Hosoda arasında görüş ehtimalı nəzərdən keçirilir.

Qeyd edək ki, bu həftə Pelosinin rəhbərlik etdiyi Amerika nümayəndə heyəti Sinqapur, Malayziya və Koreya Respublikasına, həmçinin Tayvana səfər edib. Pelosinin Tayvana səfəri Çinin kəskin tənqidinə səbəb olub, o, ABŞ-a səfərin baş tutacağı təqdirdə bunun nəticəsiz keçməyəcəyi və sərt tədbirlər görüləcəyi barədə dəfələrlə xəbərdarlıq edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.