Dünya

Kalininqradın adının dəyişdirilməsi təklif olundu

4 İyul 2022 23:23
0 Şərh     Baxış: 996
VTB-də minimal faiz dərəcəsi ilə nağd kredit 9.9%-dən

Dövlət Dumasının deputatı, "Ədalətli Rusiya - Həqiqət naminə" partiyasının rəhbəri Sergey Mironov Kalininqrad vilayətinin adının dəyişdirilməsi barədə təklif verib.

Milli.Az teleqraf.com-a istinadən bildirir ki, siyasətçi Kalininqrad şəhərinə Vladibaltiysk, Kalininqrad vilayətinə isə Baltikyanı ərazi adının verilməsini təklif edib.

"Bu addan dərhal aydın olur ki, söhbət vətənimizin ucqar qərb sərhəddində, Sakit okeandan Baltikə qədər uzanan forpostdan gedir", - Dövlət Dumasının deputatı deyib.

Kalininqrad vilayətinin səlahiyyətliləri buna cavab olaraq bildirdilər ki, hazırda bölgənin adının dəyişdirilməsi ilə bağlı müzakirələr yersizdir və vilayət mərkəzi artıq layiqli bir ada malikdir.

Xatırladaq ki, bu il iyunun 8-də Litva Avropa İttifaqının sanksiyalarına məruz qalan bir sıra malların Kalininqrada tranzitini dayandırıb.

76 il əvvəl, 1946-cı il iyulun 4-də Köniqsberq vilayətinin adı dəyişdirilərək Kalininqrad adlandırılıb. Baltik respublikalarının əhatəsində anklav kimi qalan Rusiya Federasiyasının Kalininqrad vilayətinin mərkəzi olan Köniqsberq şəhəri Almaniyanın Şərqi Prussiya əyalətinin mərkəzi olub. 1945-ci il Potsdam konfransının qərarı ilə SSRİ-yə verilib və sonra Kalininqrad adlandırılıb. Sovet İttifaqı dağıldıqdan sonra bütün şəhərlərin əski adları qaytarılsa da, Köniqsberqin adı nə şəhərə, nə də vilayətə qaytarlıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.