Türkiyə

"Soyuqdan öləcəyəm" deyib, kömək istəmişdi, küçədə ÖLDÜ - VİDEO

16 Dekabr 2024 18:55

Baxış: 1 769

VTB-də minimal faiz dərəcəsi ilə nağd kredit 9.9%-dən

#HADİSƏ #VİDEO #TÜRKİYƏ

Türkiyənin İzmir çəhərində küçədə kişi meyiti tapılıb.

Milli.Az Türkiyə mediasına istinadən xəbər verir ki, şəhərin Buca rayonunda "Xahiş edirəm mənə kömək edin. Soyuqdan öləcəyəm. əliləm, getmək üçün yerim yoxdur" deyən kişi yalnız yaşadığı küçədə ölü tapılıb.

İzmir Böyükşəhər Bələdiyyəsi vəfat edən şəxsə kömək edilmədiyi iddiaları ilə bağlı açıqlama verib:

"İctimai Xidmətlər Departamentimizin bağlı komandalarımız 19.11.2023 tarixində verilən xəbərdarlıq əsasında əlil vətəndaşımızın olduğu yerə getmiş və şəxs Böyükşəhər Bələdiyyəsinə bağlı Müyesser Tufan Müvəqqəti Kişi Qonaq Evinə gətirilmişdir. Əlil olması və uyğun xidmətləri ala bilməsi üçün Ailə və Sosial Xidmətlər İl Müdirliyi Əlil Xidmətləri Bölməsi ilə əlaqə saxlanmış və 2022/06 nömrəli ümumi yazıya əsasən, 27.11.2023 tarixində TOREN Əlil Baxım Mərkəzinə yerləşdirilməsi təmin olunmuşdur.

Əlil vətəndaşımız sonradan alkoqol asılılığı səbəbindən öz istəyi ilə müəssisədən ayrılmış, dünən sosial mediada yayılan xəbərdən başqa hər hansı bir xəbərdarlıq edilməmişdir. 14.12.2024 tarixində göstərilən ünvana getmiş və vətəndaşın həyatını itirdiyi barədə məlumat alınmışdır. Müyesser Tufan Müvəqqəti Kişi Qonaq Evimiz hazırda evsiz olan 72 vətəndaşımıza xidmət göstərməyə davam edir".

Hüseyn
Milli.Az