Ərdoğandan vacib Suriya açıqlaması

Prezident Ərdoğan: "Türkiyə dünya məsələlərinin gedişatını dəyişən sülhpərvər və aktiv siyasəti ilə tarixə istiqamət verir, həm öz, həm də bəşəriyyət tarixini yenidən yazır".

Prezident Rəcəb Tayyib Ərdoğan Prezident Aparatı iclasından sonra bir neçə bəyanatla çıxış edib:

"Bugünkü gündə dünənkindən daha güclüyük, sabah isə daha yaxşı yerlərdə olacağıq. Millətimizi məhdud çərçivələrə həbs etmək istəyən uzaqgörənliksizlərə inad, ümidimizi böyütməyə davam edəcəyik."

"Suriya münaqişəsini dialoq yolu ilə həll etmək çağırışlarımız köhnə rejim tərəfindən kobudcasına rədd edildi, ölkəmizin uzatdığı əlin dəyəri bilinmədi."

"Əsəd, arxasında təxminən 1 milyona yaxın insanın qətlə yetirildiyi, 12 milyon insanın məcburən köç etdiyi və bir çox şəhərin xarabalığa çevrildiyi bir Suriya qoyaraq qaçıb."

"Qəlbimizin bir hissəsi Qaziantep, Hatay, Şanlıurfa isə digər yarısı Afrin, Hələb, Hama, Hums və Dəməşqdir."

"Suriyaya dair həssasiyyətimiz heç vaxt mənfəətə əsaslanmayıb. Biz bu məsələyə hər zaman vicdan və mərhəmət pəncərəsindən baxmışıq."

"Türk milləti çətin günlərində suriyalı məzlumlara qucaq açmasının şərəfini əbədi bir fərəh olaraq daşıyacaqdır."

"Suriyada zalım Əsəd rejimi ilə birlikdə ölkəmizdə qaçqın düşmənliyini qızışdıran çirkin düşüncə də məğlub olub."

"Suriyanı təsiri altına alan güclü dəyişiklik rüzgarının başda mühacirlər olmaqla bütün suriyalılar üçün xeyirli nəticələr doğuracağına inanıram."

"Suriya sabitliyə qovuşduqca, inşallah, könüllü, təhlükəsiz, şərəfli və nizamlı geri dönüşlər də artacaq."

"(Suriyalı qaçqınların dönüşü) İzdihamın qarşısını almaq və hərəkəti asanlaşdırmaq üçün Yayladağı Sərhəd Qapısını keçidlərə açırıq."

"Ana müxalifət partiyasına və onun köhnə və yeni rəhbərliyinə Şam rejiminin yasını tutmağı buraxıb Suriyalı xalqın sevincinə ortaq olmalarını tövsiyə edirəm."

"Türkiyənin başqa bir ölkənin torpağında gözü yoxdur. Sərhəd əməliyyatlarımızın yeganə məqsədi vətəni və vətəndaşlarımızı terror hücumlarından qorumaqdır."

"Dünəndən etibarən Suriyada qaranlıq dövr sona çatıb, işıqlı bir dövr başlayıb."

"Türkiyə sərhədləri xaricində yeni terror ocaqlarının meydana çıxmasına göz yummayacaq."

"Nə PKK və Suriyadakı uzantıları, nə də DEAŞ ölkəmizin tərəfdaşı deyil, rəqibidir. Suriyanın ərazi bütövlüyünün mütləq şəkildə qorunması lazımdır."

Lalə Qüdrətova
Milli.Az