Türkiyə

Türkiyədə bir ilk: Yeni vulkan püskürəcək - FOTO

5 Oktyabr 2024 10:00

Baxış: 1 440

VTB-də minimal faiz dərəcəsi ilə nağd kredit 9.9%-dən

#MARAQLI #HADİSƏ #TÜRKİYƏ #TƏBİİ FƏLAKƏT #VULKAN

Türkiyənin Manisa şəhərinin Kula rayonunda alimlər Yer qabığının müxtəlif dərinliklərində 8 maqma otağı aşkar ediblər. Ən böyük maqma otağı səthə yaxın olduğundan zəlzələ kimi faktorlarla aktivləşərək püskürə bilər.

Milli.Az oxu.az-a istinadən bildirir ki, bu barədə Eskişehir Osmangazi Universitetinin elm adamları xəbərdarlıq ediblər.

Bildirilib ki, professor Özgür Karaoğlu və komandasının "Kula-Salihli Jeoparkı"nda tədqiqatları zamanı səthin 5 kilometr dərinliyində böyük bir maqma kütləsi müəyyən edilib:

"Bu maqma kütləsi səthə doğru yüksəlir və bölgədəki geotermal sistemləri qızdırır. Kula bölgəsində ən son vulkanik fəaliyyət 4 700 il əvvəl baş verib. Aşkar etdiyimiz maqma otaqlarının səthə yaxınlıqları və düzülüşləri vulkanın yenidən fəaliyyətə keçmə ehtimallarının yüksək olduğunu göstərir", - deyə elm adamları vurğulayıblar.

Ekspertlər regiondakı aktiv qırılma xətlərinin də maqmanı tətikləyə biləcəyini qeyd ediblər.

Ankara Universiteti Geofizika Mühəndisliyi Bölümündən professor Bülent Kaypak isə layihə çərçivəsində istifadə olunan metodların Türkiyədə bir ilk olduğunu söyləyib.

Milli.Az

Xəbərlərimizi WhatsApp kanalımızdan da oxuyun