Türkiyə

Türkiyədə qadınların zəfəri: 11 vilayəti onlar idarə edəcək

5 Aprel 2024 19:15

Baxış: 1 106

VTB-də minimal faiz dərəcəsi ilə nağd kredit 9.9%-dən

#TÜRKİYƏ #QADIN #TÜRKİYƏDƏ BƏLƏDİYYƏ SEÇKİLƏRİ

Türkiyədə martın 31-də keçirilən yerli seçkilərin qeyri-rəsmi nəticələrinə görə, 81 vilayətdən 11-ni qadınlar idarə edəcək.

Milli.Az publika.az-a istinadən xəbər verir ki, 2019-cu ildə keçirilən yerli seçkilərdə qadın namizədlərin nisbəti 7,89 % olub və həmin tarixdə keçirilən seçkilərin sonunda 81 əyalətdən 4-də qadın bələdiyyə başçıları seçilib. Bazar günü axşam saatlarında bu rəqəm 11-ə yüksəlib.

Yerli seçkilərin nəticələrindən sonra İstanbulun 39 rayonundan 3-də qadın namizədlər qalib gəlib. CHP-dən Neyrocərrah Ayşegül Özdemir Ovalıoğlu Bakırköydə səslərin 67 faizini toplayıb. CHP Bakırköydə əvvəlki seçkilərdə 56 % səs alıb.

Ankaranın yeganə qadın bələdiyyə sədri AK Partiya Akyurt mahalının namizədi Hilal Ayık olub. Ayık həm də proqram mühəndisidir. 30 rayondan 8-də qadınların qalib gəldiyi İzmirdə də vəziyyət eynidir.

Türkiyə Cümhuriyyətinin qurucusu Mustafa Kamal Atatürk 1930-cu ildən başlayaraq türk qadınlarına bələdiyyə seçkilərində iştirak, sonra kənd muxtarı olmaq, məclis üzvlərini seçmək və seçilmək hüququ verən qanunu həyata keçirib. 31 Mart 2024-cü il yerli seçkilərdə qadınlar cümhuriyyət tarixinin rekordunu qıra biliblər.

Milli.Az
Xəbərlərimizi WhatsApp kanalımızdan da oxuyun