İdman

"Azarkeşlərimizdən dönə-dönə üzr istəyirik" - Samir Abasov

4 Aprel 2021 19:36
Baxış: 549

"Məğlubiyyətdən sonra nəsə demək çətindir. Futbolçuların günahları yoxdur. Rəqibi təbrik edirik".
 
Milli.Az qol.az-a istinadən xəbər verir ki, bu sözləri "Neftçi"nin baş məşqçisi Samir Abasov Premyer Liqanın 21-ci turunda evdə "Sumqayıt"a uduzduqları oyundan sonra mətbuat konfransında deyib.

O, 0:2 hesablı məğlubiyyətə görə azarkeşlərdən üzr istəyib: "Rəqibin qələbəsinə kölgə salmırıq. Düşən imkanlardan yararlandılar və qalib gəldilər. Bu oyun bizi qorxudurdu. Statistikamız uğursuz idi. Qış toplanışından sonra "Səbail"ə qarşı bərbad oynadıq. Sonra növbəti fasilə olanda da "Zirə"yə uduzduq. Məşqçilər heyətinin günahıdır ki, bunu bilərək komandanı yetərincə hazırlaya bilmədik. Azarkeşlərimizdən dönə-dönə üzr istəyirik. Problem "Sumqayıt" yox, fasilədən sonra tempi qoruya bilməməyimizdir. Bunun öhdəsindən gələ bilmədik. Bu, bizə zərbədir. Motivasiya, istək var idi, amma intizamdan qopmaq bizi üzdü".

S.Abasov çempionatda yaranan fasilədən düzgün istifadə etmədiklərini əlavə edib: "Aqressiya çox idi deyə intizam pozuldu, tələskənlik oldu. Futbolçular qələbə üçün nə etmirdilər ki? Məni üzən oyun intizamını qoruya bilməməyimizdir. Səbəb fasilədən düz istifadə etməməyimizdir. Matçın sonunda təlaş olduğu üçün oyunçuları meydandan çıxardım. Başqa problem yox idi".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.