İdman

“Qarabağ”ın məğlub etdiyi klub ulduz futbolçunu heyətinə qatdı - FOTO

8 Mart 2021 17:45
Baxış: 818

İtaliyanın "Napoli" klubunun sabiq futbolçusu Marek Hamşik gözlənilməz qərar qəbul edib.

Milli.Az oxu.az-a istinadən xəbər verir ki, 33 yaşlı futbolçu son oynadığı Çinin "Dalyan Profeşnl" klubundan ayrılıb və dünən axşam saatlarında İsveçin Yöteborq şəhərinə gəlib.

Hava limanında görüntülənən Slovakiya millisinin yarımmüdafiəçisi İsveçin ən məşhur klublarından olan "Yöteborq"la müqavilə bağlayacaq. Onu hava limanında çox sayda isveçli azarkeş qarşılayıb. Bu gün futbolçu tibbi baxışından keçəcək, daha sonra müqavilə bağlayacaq.

Qeyd edək ki, Marek Hamşik 12 il oynadığı "Napoli"dən 2018/19 mövsümünün qış fasiləsində ayrılıb. O, 2019-cu ilin fevralın 14-də Çin klubu ilə 13 milyon avroluq müqaviləyə qol çəkib. Adı çəkilən komandanı bu il yanvarın 23-dək məşhur ispaniyalı mütəxəssis Rafael Benites çalışdırıb.

Onu da bildirək ki, "Yöteborq" Azərbaycan azarkeşlərinə tanış klubdur. Belə ki, Azərbaycan çempionu "Qarabağ" 2016-cı ilin avqustunda bu komandaya İsveçdə 0:1 uduzsa da, Bakıda 3:0 qalib gəlib. Nəticədə Ağdam komandası UEFA Avropa Liqasının qrup mərhələsinə növbəti dəfə vəsiqə qazanıb. 

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.