"Atletik Bilbao" futbolçuları İspaniya Super Kubokunun yarımfinalında Madridin "Real" komandasını məğlub edib.
Milli.Az Trend-ə istinadən bildirir ki, Malaqada keçirilən görüş 2:1 hesabı ilə başa çatıb.
Qalib tərəfinin heyətində Raul Garsia iki dəfə fərqlənib (18 və 38-ci dəqiqələr), ikinci qolu futbolçu penaltıdan vurdu. Karim Benzema "Real"ın yeganə qolunu vurdu (73).
Finalda "Athletik" klubu "Barselona" ilə oynayacaq. Qarşılaşma 17 yanvarda baş tutacaq.
Milli.Az