İdman

Ronaldu rəsmi oyunlarda vurduğu qollar sayına görə rekordsmen oldu

11 Yanvar 2021 08:52
Baxış: 696

İtaliyanın "Yuventus" klubunun portuqaliyalı forvardı Kriştianu Ronaldu rəsmi matçlarda vurduğu qol sayına görə rekordu təkrarladı.

Milli.Az Trend-ə istinadən bildirir ki, futbolçu İtaliya çempionatında ötən gün "Sassuolo"ya qarşı matçda (3:1) fərqlənib.

35 yaşlı hücumçu üçün bu oyunda vurduğu qol karyerasında 759-cu oldu. Eyni göstərici 1950-ci illərə qədər Avstriya və Çexoslovakiya yığmalarının heyətində oynayan hücumçu Yozef Bitsanın hesabındadır. Bundan əvvəl Ronaldu 757 qolla Peleni geridə qoyub.

Ronaldu 2018-ci ilin iyulundan "Yuventus"da, daha əvvəl isə İspaniyanın "Real Madrid", İngiltərənin "Mançester Yunayted" və Portuqaliyanın "Sportinq" klublarında oynayıb. Futbolçu beş qat "Qızıl Top" mükafatının sahibi, həmçinin beş qat Çempionlar Liqasının qalibi və Avropa çempionudur.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.