"Mançester Yunayted"in baş məşqçisi Ole Quner Sulşer qarşıdakı "Liverpul" oyunu barədə açıqlama verib.
Milli.Az matc.az-a istinadən xəbər verir ki, norveçli mütəxəssis komandasının bu oyundan yaxşı nəticə qazanacağını bildirib:
"Ötən mövsüm "Mançester Siti" və PSJ-yə qarşı yaxşı oyunlar keçirmişdik. Bu mövsüm "Liverpul"la ilk oyunu heç-heçə etdik. Səfərdə onlara qarşı oynaya biləcəyimiz bir neçə variant var. "Enfild Rold"da oynamaq asan deyil. Ancaq biz də asan təslim olmayacağıq. Məncə, "Liverpul"u durudura bilərik"
Qeyd edək ki, "Liverpul" - "Mançester Yunayted" matçı yanvarın 19-da keçiriləcək.
Milli.Az