İdman

Avstraliya gimnastı: "Ümid edirəm ki, bizdə də bu cür gözəl zallar olacaq"

17 Sentyabr 2019 14:33

Baxış: 746

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bakıya məmnuniyyətlə və üzümdə təbəssümlə gəlirəm.

Milli.Az xəbər verir ki, bunu Trend-ə Avstraliya gimnastı Aleksandra Kiroy-Boqatıryova dünya çempionatının təsnifat yarışlarında çıxışından sonra deyib.

O, öz çıxışından razı qaldığını bildirib:

"Dünya çempinatının təşkili möhtəşəmdir, zal gözəldir, tamaşaçıların dəstəyi əladır".

Gimnast əlavə edib ki, Avstraliyada gimnastika populyar deyil:

"Ümid edirəm ki, Avstraliyada da nə vaxtsa bu cür gözəl zallar və və yüksək səviyyəli mütəxəssislər olacaq".

Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.

61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Dünya çempionatı 16-22 sentyabrda keçiriləcək.

Milli.Az