İdman

"Neftçi" bəyanat yaydı

22 Avqust 2019 20:32
3 Şərh     Baxış: 1 220

"Neftçi" bəyanat yayıb.

Milli.Az qol.az-a istinadən xəbər verir ki, bəyanatda deyilir:  "Bu mövsüm Avropa Liqasındakı son oyunumuzda uğursuz nəticə həm bizi, həm də azarkeşlərimizi çox məyus edib. Bu səbəbdən azarkeşlərimiz tərəfindən gələn reaksiyanı klub rəhbərliyi, məşqçilər və futbolçular normal qarşılayır.

Lakin istər klub rəhbərliyinin, istər məşqçilərin, istərsə də futbolçuların və onların ailə üzvlərinin təhqir olunması yolverilməzdir. Bildiririk ki, sosial mediada yazdığınız hər bir təhqir məşqçi və futbolçu heyətinin ailə üzvləri tərəfindən oxunula bilər. Bu isə xoşagəlməz halların yaranmasına gətirib çıxarır, komanda üzərində əlavə təzyiqlər yaradır, futbolçuların toparlanmasına mane olur.

Baqali Dabonun sosial mediadakı son paylaşımları ilə əlaqədar klub rəhbərliyi futbolçu ilə görüşüb, ciddi söhbət aparılıb və daxili intizam kodeksinə uyğun olaraq müvafiq addımlar atılıb. Həmçinin futbolçulara və məşqçilər heyətinə mətbuata veriləcək açıqlamalarda, azarkeşlərlə bağlı məsələlərdə daha diqqətli olmaları nəzərlərinə çatdırılıb.

Klubda gedən hər bir proses nəzarət altındadır. İstəyirik ki, azarkeşlərimiz də hәmişәki kimi komandanın yanında olsunlar. Həmişə olduğu kimi hədəfimiz çempionluqdur. Bu mövsüm birlikdə buna nail olmağa çalışacağıq. Biz qələbələr üçün var gücümüzlə sonacan döyüşəcəyik. Çәtin yolda komandanın ruhu həm də sizdәn asılıdır! Azarkeşlərimizi bizimlə bir güc olmağa səsləyirik.

Milli.Az

loading...

Şərh yaz:

3 Şərh:

  • Anonim
    Elxan · 22 Avqust 21:4710

    Azarkeşləri təhqir edən o gədəni "Neftçi"FK öz evinə göndərmirsə,boş-boş bəyanatlarla kifayətlənirsə,özünə hörmət qoyan hər bir azarkeşi Neftçinin oyunlarını boykot etməyə çağırıram.

    Cavab yaz
    • Anonim
      Samed dagli · 22 Avqust 23:3800

      Tek neftchi yox butun azerbaycan futbolu baykot olunmalidi koklu AFFAda deyiwigler olmalidi

      Cavab yaz
    • Anonim
      Azerbaycanli · 23 Avqust 00:5500

      Sizinle raziyam.bir klubun azarkesine bu cur yanasmasi olan bir oyuncunu klubda saxlamagin mentiqsiz oldugunu deyirem.bele bir oyuncu azarkese hormet etmirse,tehqir edirse onu klubda saxlamaq azarkese hormetsizlikdi.deport edin o oyuncunu vetenimden.klub ozune azarjesine ve Azerbaycana hormetle yanasmalidi.bele olmaz.gulunc gorsenirsiniz cox (hormetli)klub rehberliyi

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.