İdman

"Bu vəziyyətdən bir yerdə çıxmalıyıq" - Qurban Qurbanov

13 Avqust 2019 23:37
9 Şərh     Baxış: 3 646

"Əfsuslar olsun ki, məğlub olduq. Qələbə qazanmağı çox istəyirdik. Qapımızda qol epizodu da yox idi. Bir penalti, bir də vurulan qol. Bir neçə imkanımız oldu, istifadə edə bilmədik. Həyəcan var idi, bu da normaldır. Azarkeşləri məyus yola saldığımız üçün üzüldük".
 
Milli.Az qol.az-a istinadən xəbər verir ki, bu sözləri "Qarabağ"ın baş məşqçisi Qurban Qurbano Çempionlar Liqasının III təsnifat mərhələsinin APOEL-lə Bakıda keçiriən cavab oyunundan (0:2) sonra mətbuat konfransında deyib.

- "Qarabağ" adətən uduzanda da baxımlı oyun göstərir. Bu gün isə bunu görmədik. Oyun sizi qane etdimi?

- Bəlkə biz fərqli baxırıq. İtiriləcək heç nə yox idi. Pressinq edən komandaya qarşı səhvlərimiz çox oldu. Amma heç də pis oynamadıq. Heç nədən rəqibə qol epizodları verdik. Açığı, mən oyunumuzdan razı qaldım. 0:2-dən sonra dəyişikliklər edirsən, istər-istəməz sistem pozulur.

- Slavçevin yerinə Kintananı meydana tez salmaq olmazdımı? "Qarabağ"ın ehtiyatında az oyunçunun olması sizi narahat etmir?

- Slavçev aktiv idi. İkinci qoldan sonra dəyişiklik etdik. Nə tez, nə də gec dəyişiklik etmək olar. Çalışdıq oyunun gedişinə görə addım ataq. İki oyunçumuz zədəli idi: Bədavi və Ozobiç. Əvvəldən 2 transfer fikrimizdə var idi. Amma bunları reallaşdıra bilmədik. Onlar sağlam olsaydı, variantımız daha çox olardı.

- Avropa Liqası matçına görə çempionat oyununun təxirə salınması ilə bağlı PFL-ə müraciət edəcəksiniz?

- Çempionat oyununa hazırlaşmaq üçün vaxtımız çox azdır. Təxirə salmaq yox, oyunun bəlkə bir gün sonraya salınması üçün müraciət etdik.

- Rəqib sizi nə ilə təəccübləndirdi?

- Təcrübəsi ilə. Buna da təəccüblənmək demək düzgün olmaz. İllərdir avrokuboklarda çıxış edirlər. Onların Avropa təcrübəsi çoxdur. "Real" kimi nəhəng kluba səfərdə 2 qol vuran komanda idi. Həddən artıq istəkli olacaqlarını bilirdik. Ancaq yenə də xeyli sayda qol şansları yaratdıq. Futbol təəccüblərlə doludur. Məğlub olmuşuqsa, rəqibi təbrik etməliyik.

- Futbolçular 0:2-dən sonra sanki dünyanın sonu imiş kimi davrandılar. Ruh düşkünlüyünü aradan qaldırmaq çətin olmayacaq?

- Texniki səhvlər idi. Almeydanın bilə-bilə sarı aldığını demək olmaz. Məşqçi heyəti, rəhbərlik olaraq futbolçuların yanında olmalıyıq. Bu vəziyyətdən bir yerdə çıxmalı, həm çempionat, həm də Avropa Liqasının pley-offuna hazırlaşmalıyıq.

- Hakimliklə bağlı nə deyərdiniz?

- Bəzi epizodlarda narazılığımız oldu. Sanki əks qərar verməli idi. Ancaq bu barədə təkrara baxdıqdan sonra düzgün fikir bildirmək olar.

- Ozobiç uzun müddət omandaya kömək edə bilməyəcək və Bədavi də sağalmayıb. Bu heyətlə Avropa Liqasında nəyə ümid edə bilərsiniz?

- Üstəlik, Rahil də qarşıdakı oyunu buraxacaq. Amma ümidli olmalıyıq. Hər rəqibə qarşı məsuliyyətlə çalışmalı və işimizə ciddi yanaşmalıyıq. Ciddiyyət olan yerdə qalibiyyət gələcək. İllərdi bir yerdəyik. Pis və yaxşı xatirələrimiz olub. Ümidimizi itirməməliyik. Futbolçularıma güvənirəm və daha yaxşı olacaqlarını düşünürəm.

Milli.Az

loading...

Şərh yaz:

9 Şərh:

  • Anonim
    Osman · 13 Avqust 23:4431

    Yaxsi olardiki qelebe qazanaq.Heyf ki,alinmadi.Amma buna baxmayaraq her zaman bizim qelbimizde zirvedesen.Gelecek oyunlarda ugurlar!!!

    Cavab yaz
    • Anonim
      Tam Maxfi. · 14 Avqust 10:4400

      Qarabaq elebil yuk altinda oynayirdi.Oyuncular topla oynamaq istemirdiler.Top ayaqina gelenkimi pas verir.Oyun qabaqi musahibe vermisdiler Qarabaqin oyunculari.Kipir komandasina fudbol.dersi kececeyik.Deyesen onlar Qarabaqa fudbol.dersi kecdiler.Ozude herterefli.Bu boyda oyunda bir duz emmmeli qol.veziyyet olmadi.Deyesen vaxt gelib catib fanatlar Qarabaqin aftobusunu sirkelemelidiler .Komanda ayilsin bir az.Icdimayi qinaq lazimdi.Ele Qurbanovda deyesen bundan artiq hec neye qadir deyil.O da stefa haqaa dusunse pis olmaz.

      Cavab yaz
  • Anonim
    Tovuzlu E · 13 Avqust 23:5301

    Qarabagin neticesi ilden ile zeifleyir :( CL alinmadi Al yaxsi olar Insallah Ugurlar

    Cavab yaz
  • Anonim
    Sakit · 14 Avqust 00:1220

    men Qurban Qurbanova cox inaniram ki o komanda ile elinden geleni edir. Resad ise sanki topdan qorxurdu. top ona gelen kimi pas atirdi. teki ayagindan mesuliyyet itsin. Resad cox sehve yol verdi. kapitana yarasmaz

    Cavab yaz
  • Anonim
    Samed dagli · 14 Avqust 00:4410

    Deyileceg soz yoxdur cox vicdansizcasina oynadi qarabag futbolculari

    Cavab yaz
  • Anonim
    Tənqidçi · 14 Avqust 00:5320

    Qarabağ oyunun ən zəif bəndi Rəşaddı...bu Rəşadın qırxıda çıxıb getmire...ay Rəşad komandanın məğlub olmağın səbəbkarı şəxsən sən idin...çıx get imkan ver prespektivli cavanlar oynasında..əl çəkdə çıx get başqa işlərnən məşqul ol...bizim əsəblərimizlə oynama...

    Cavab yaz
  • Anonim
    TOFIQ · 14 Avqust 06:2400

    Qurban muellim Slavcevi oynstmayin.Qara Qarayev daha cox xeyir verer.Zaqatala Mamrux Kendi.

    Cavab yaz
  • Anonim
    RA · 14 Avqust 06:5240

    Ele oyunu da Qurbana gore uduzduq. Mahiri sona kimi ortada saxladi, terpenmeyen, oynamayan Mahiri. 10 neferle hucumcusuz oynamaqlarini gore gore onu evezlemir ki, ulduz elemek isteyirler..ne varsa o dur! Gorursen onun yeri deyil orta hucumcu yeri, deyish sagnan, yaziq 9 nomre sag krayda sokurdu, gorursen oynu alinir amma sagdan qol gelmir, ver onu ortaya hucuma,qoy qol vursun da.

    Cavab yaz
  • Anonim
    Oxucu · 14 Avqust 11:4600

    Dunenki oyunda ne Slavcey, ne Rewad, ne Almeyda oynamali deyildi.. 3ude zibilin cixartdi oyunun. Apoel Qarabagi 3 oyuncuynan meglub eledi... ALMEYDA. REWAD. SLAVCEV...... Ayaglarina top duwende ozderide tekere duwur. Ay rewad sadiqov senin taylarin nevelerinin elinnen tutub baxcaya , mektebe aparir. Sen ne istiyirsen axi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.