"Rabitə" finalda! - YENİLƏNİB - FOTO

13.X.2011
23:07

Qətərin paytaxtı Dohada qadın voleybolçular arasında klublararası dünya çempionatı davam edir. Apasport.az saytının məlumatına görə, mundialda bu gün yarımfinal matçları baş tutub.

Bu mərhələyə qrup qalibi kimi yüksələn "Rabitə" (Azərbaycan) finala yüksəlmək uğrunda "Mirador" (Dominikan Respublikası) komandası ilə qarşılaşıb. İlk 2 oyunda Tailandın "Çanq" və mindialın son gümüş mükafatçısı Braziliyanın "Sollis Nestle" klublarına qalib gələn voleybolçularımız bu dəfə də meydanı qələbə ilə tərk ediblər.

Rəqibimiz tailandlılar və braziliyalılarla müqayisədə elə də güclü olmayıb və Zoran Qayiçin yetirmələri onları asanlıqla məğlub ediblər. Belə ki, ilk 2 setdə 25:15 hesabı ilə qalib gələn voleybolçularımız 3-cü hissədə də çətinlik çəkməyiblər. Bu dəfə "Mirador"a cəmi 8 xal güzəştə gedən "Rabitə" oyunun yekun nəticəsini müəyyənləşdirib və ilk dəfə qatıldığı dünya çempionatında final mərhələsinə yüksəlib.

Yarımfinal

"RABİTƏ" - "MİRADOR" - 3:0 (25:15, 25:15, 25:8)

Qeyd edək ki, Bakı klubunun həlledici matçda rəqibi digər yarımfinal matçında "Sollis Nestle"ni (Braziliya) 3:0 hesabı ilə məğlub edən "Vakıfbank Günəş TTelekom" (Türkiyə) olacaq. Bununla da, Çempionlar Liqasının finalında türklərə uduzan "Rabitə" məğlubiyyətin qisasını almaq üçün əla şans qazanıb.

----------
09:44

Qətərin paytaxtı Dohada qadın voleybolçulardan ibarət klublar arasında təşkil olunan dünya çempionatı davam edir. Azerisport.az xəbər verir ki, bu gün turnirin yarımfinal oyunları keçiriləcək.
 
Bu mərhələyə qrup lideri kimi yüksələn Azərbaycan çempionu "Rabitə" də DÇ-nin finalına vəsiqə qazanmağa çalışacaq. Bu yolda komandamızın rəqibi Dominikan Respublikasını təmsil edən "Mirador"du.
 
Qeyd edək ki, "Rabitə" qrupdakı ilk oyununu Tailandın "Çanq" klubuna qarşı keçirmiş və 3:1 hesablı qələbəyə sevinmişdi. Braziliya "Osasco"su ilə qarşılaşma isə 3:2 hesablı qələbəyə ilə başa çatmışdı. "Mirador" isə öz qrupunda ilk olaraq Türkiyənin "Vakıfbank" klubuna 0:3 hesabıyla yenilib, ikinci matçında isə Keniyanın "Prisons" klubuna 3:2 hesabıyla qalib gələrək, qrup ikincisi kimi yarımfinala yüksəlib.
 
Voleybol
Dünya çempionatı
13 oktyabr
 
19:00. Rabitə - Mirador

Milli.Az

-------------
14.X.2011
10:48

Böyütmək üçün şəkillərə klikləyin.