İdman

Formula 1 ilə bağlı yenilik - Alış-veriş asanlaşacaq

10 May 2018 15:21

0 Şərh Baxış: 2 757

VTB-də minimal faiz dərəcəsi ilə nağd kredit 9.9%-dən

#AVTOİDMAN #FORMULA 1

Lisenziyalı idman merçendayzında dünya lideri olan "Fanatics" şirkəti 2018-ci ildən etibarən Formula 1 yarışları üzrə Qran Pri həftəsonlarında və onlayn şəkildə yarışın eksklüziv merçendayzer tərəfdaşı olacaq.

Formila 1-dən Milli.Az-a verilən məlumata görə, Formula 1 bu əməkdaşlıqla istehlak mallarının artımı istiqamətində böyük addım atmaq niyyətindədir. Şirkətin məqsədlərindən biri də Qran Pri zamanı onlayn, eləcə də telefon vasitəsilə alış-veriş edən yarış azarkeşləri üçün fərqli satış kanalları yaratmaqdır.

"Fanatics" şirkəti merçendayzın həcmini artıraraq Formula 1, həmçinin FIA Formula 1 Dünya Çempionatında iştirak edən komandaların premium məhsullarının və hər Qran Pri üçün xarakterik olan əşyaların satışını həyata keçirəcək.

Formula 1-in Kommersiya şöbəsinin icraçı direktoru Şon Breçes əməkdaşlıqla bağlı bunları deyib: "Bütün Qran Prilərdə apardığımız araşdırmalardan məlum oldu ki, azarkeşlər daha səmərəli alış-veriş etmək istəyirlər. İnanırıq ki, bu əməkdaşlıq Qran Pri zamanı azarkeşlərin növbəsiz şəkildə daha çox çeşidli və keyfiyyətli alış-veriş etmələrinə şərait yaradacaq. Əməkdaşlığın əsas müsbət nəticəsi isə istər Formula 1 brendi altında, istərsə də komandaların təklif etdiyi məhsulların satışında olacaq artımdır".

Yusif Nəsirli

Milli.Az