İdman

İtaliya millisinin baş məşqçisi vəzifəsinə namizədlər - SİYAHI

14 Noyabr 2017 11:45

6 Şərh Baxış: 1 676

#İDMAN #KARLO ANÇELOTTİ #FUTBOL #DÇ-2018 #İTALİYA #YIĞMA #ANTONİO KONTE

2018-ci il dünya çempionatına vəsiqə qazana bilməyən İtaliya millisinin baş məşqçisi postunda Campyero Venturanı əvəzləyə biləcək mütəxəssislərin siyahısı açıqlanıb.

Milli.Az report-a istinadən xəbər verir ki, yığmanın sükanı arxasına keçməyə 4 namizəd var.

Bunlar yaxınlarda Almaniya təmsilçisi "Bavariya"nın baş məşqçi vəzifəsindən istefaya göndərdiyi Karlo Ançelotti, İngiltərənin "Çelsi" komandasını çalışdıran Antonio Konte, Rusiya "Zenit"inə rəhbərlik edən Roberto Mançini və İtaliya çempionu "Yuventus"un sükanı arxasında olan Massimiliano Alleqridir.

Nüfuzlu nəşrin apardığı sorğu zamanı azarkeşlərin 70 faizi İtaliya yığmasının baş məşqçisi postunda K.Ançelottini görmək istədiklərini bildiriblər. A.Konte səslərin 20, R.Mançini ilə M.Alleqri isə hərəyə 5 faizini toplayıb.

Qeyd edək ki, C.Ventura ilə bağlı qərar onun İtaliya Futbol Federasiyasının prezidenti Karlo Tavekkio görüşündən sonra açıqlanacaq. Böyük ehtimalla, 69 yaşlı mütəxəssislə əməkdaşlığa son qoyulacaq.

Milli.Az

Digər maraqlı xəbərlər Milli.Az-ın Facebook səhifəsində