İdman

Ronaldonun anası: "Topa zərbə vurmaq lazımdı, rəqibə yox"

11 İyul 2016 10:58
6 Şərh     Baxış: 3 558
VTB-də minimal faiz dərəcəsi ilə nağd kredit 9.9%-dən
#DÜNYADA #KRİŞTİANU RONALDU #FUTBOL #AVRO-2016

AÇ-2016-nın final matçında Fransa yığmasının üzvü Dmitri Payenin Portuqaliya millisinin kapitanı Kriştianu Ronaldonu zədələməsi birmənalı qarşılanmayıb.

Milli.Az apasport.az-a istinadən xəbər verir ki, fransız futbolçunun həmkarını bilərəkdən zədələdiyi haqda fikirlər yayılıb.

Payenin bu hərəkətinə Ronaldonun anası Dolores Aveyru da biganə qalmayıb. Oğlunun meydanı ağlayaraq tərk etməsini məyusluqla qarşılayan Aveyru sosial şəbəkədə paylaşdığı statusla narazılığını bildirib.
 
Avropa çempionunun anası Fransa yığmasının üzvünü tənqid edib: "Oğlumu belə görməyə dözə bilmirəm. Futbolda topa zərbə vurmaq lazımdı, rəqibə yox. Rəqibi vurub, onu ağrıtmaq olmaz. Bu, məni çox məyus edir".
 
Qeyd edək ki, Ronaldo zədələndiyi üçün final görüşünün 25-ci dəqiqəsində yerini Rikardo Kuarejmaya verib. Qarşılaşma isə Portuqaliyanın 1:0 hesablı qələbəsi ilə yekunlaşıb. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.