PUL
.jpg)
"Azərbaycan millisini taktiki cəhətdən incələmişik. Amma bu haqda burada danışmaq istəmirəm. Oteldə futbolçularıma bu barədə öz fikirlərimi çatdıracağam".
Milli.Az-ın apasport.az-a istinadən yaydığı xəbərə görə, bu sözləri Xorvatiya millisinin baş məqşçisi Niko Kovaç "Avro-2016"nın seçmə mərhələsində millimizlə oyun öncəsi keçirilən mətbuat konfransında deyib.
O, Azərbaycanda oynayan futbolçularla əlaqə saxladığını bildirib:
"Sadəcə olaraq sizin yığmanın son oyunlarına baxmışam. Buna əsasən yığmanız haqqında məlumat toplamışam. Berti Foqtsla Sankt-Peterburqda keçirilən FİFA-nın son konqresində üz-üzə gəlmişik. Onunla yaxşı görüşümüz oldu. Foqtsla söhbət etdik. Onunla Azərbaycan futbolunun indiki durumu haqqında danışdıq".
Kovaç millimizin əks-hücumlarda təhlükəli ola biləcəyini qeyd edib: "Azərbaycan yaxşı müdafiə olunmağı bacarır. Bizi əks-hücumlarda yaxalamağa çalışacaqlar. Ona görə də diqqətli olmalıyıq. Berti Foqtsun sözlərinə mən də qatılıram. 2 gündən bir oyun keçirmək bizim üçün də ağırdır. Amma buna öyrəşməliyik. Biz bu 2 oyundan 6 xal götürməyi qarşımıza məqsəd kimi qoymuşduq. Azərbaycanla oyun yeni bir matçdır. Bolqarıstanla matçı unudub sabahkı oyuna köklənməliyk".
Qeyd edək ki, Xorvatiya - Azərbaycan oyunu sabah Bakı vaxtı ilə saat 23:45-də başlayacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
.jpg)
