İdman

Azərbaycan Çempionlar Liqasına 3 klubla qatıla bilər

18 Aprel 2014 18:58
0 Şərh     Baxış: 621
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AZERBAİJAN #İDMAN
Avrokuboklarda Azərbaycanı təmsil edəcək qadın voleybol komandalarının tam siyahısı dəqiqləşib.

Milli.Az apasport.az-a istinadən məlumat verir ki, buna Super Liqanın bu gün keçirilən 3-cü yer uğrunda görüşündən sonra 5 ən güclü klubumuz qatılacağı turnirlərin adını bilib. Belə ki, finala yüksəlməklə Çempionlar Liqasında oynamaq hüququ qazanan "Rabitə" və "Azəryol"a "İqtisadçı" da qoşulmaq şansı əldə edib. Lakin ölkəmizin reytinqindəki yüksək mövqeyinə uyğun olaraq, 2 klub analoji yarışa buraxılacağından "tələbələr" "wild card"a ümid edəcəklər. Yəni, hər 3 klubumuz qitənin ən nüfuzlu klub turniri üçün sifariş verəcək.

Bürünc medallar uğrunda "İqtisadçı"ya uduzan "Azərreyl" isə növbəti dəfə CEV kubokunda oynayacaq. Onlara çempionatı 5-ci yerdə başa vuran "Lokomotiv" də qoşulacaq.

Qeyd edək ki, 2013/2014 mövsümündə də 3 klubumuz Çempionlar Liqasında, 2-si CEV kubokunda oynayıb. Onlardan yalnız "Rabitə" Çempionlar Liqasını bürünc medalla başa vurub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.