PSJ-nin hücumçusu Edinson Kavani Çempionlar Liqasının 1/4 finalının ilk oyunu çərçivəsində bu axşam qarşılaşacaqları "Çelsi" ilə görüş haqda danışıb."Mourinyodan deyil, onun futbolçularından qorxuruq"
Milli.Az qol.az-a istinadən xəbər verir ki, uruqvaylı futbolçu "L'Equipe"yə açıqlamasında "Çelsi"nin baş məşqçisindən deyil, futbolçularından çəkindiklərini bildirib:
"Meydana məşqçi deyil, futbolçular çıxır. Hər kəsə bəllidir ki, Mourinyo böyük məşqçidir və əsl liderdir. O, bunu çalışdırdığı komandalarda sübut edib. Ancaq mən daha çox "Çelsi"nin futbolçularından çəkinirəm. Bütün futbolçular öz ölkələrinin yığmalarında çıxış edir. İngilis klubları ilə qarşılaşmaq bizim üçün problem yarada bilər. Amma biz buna hazırıq".
Qeyd edək ki, PSJ - "Çelsi" oyunu bu axşam, Bakı vaxtı ilə saat 23:45-də başlayacaq.
Milli.Az