Çempionatın ilk günündə 65 və 97 kq sərbəst, 48 və 58 kq qadın güləşçilər mübarizə aparıblar.Finlandiyanın Vantaa şəhərində böyüklər arasında güləş üzrə Avropa çempionatı keçirilir
Azərbaycan Güləş Federasiyasından Milli.Az-a verilən məlumata görə, 65 kq çəki dərəcəsində mübarizə aparan Toğrul Əsgərov 1/8 finalda bolqar Borislav Noviçkovla qarşılaşıb. Güləşçimiz 4:0 öndə olsa da, sonda 5:13 hesabıyla uduzub. Noviçkov yarımfinalda mübarizəni dayandırdığından, Toğrulun təsəlliverici görüşlərə qatılması da mümkün olmayıb.
97 kq çəki dərəcəsində yarışan Xetaq Qazyumov 1/8 finalda Belarusdan olan İvan Yankovskini 7:0 hesabla üstələyib. 1/4 finalda onun rəqibi Kamil Skazikeviç (Polşa) olub. 6:2 hesablı qələbə güləşçimizi yarımfinala yüksəldib. Ukrayna təmsilçisi Pavel Oleyniki də üstələyən (4:0) Xetaq Qazyumov finala vəsiqə qazanıb. Həlledici qarşılaşmada Xetaq rusiyalı rəqibi Abdusalam Qadisova uduzub və gümüş medalla kifayətlənib.
Qadın güləşçilərimizdən Mariya Stadnik (48 kq) 1/8 finalda rusiyalı Nadejda Fedorova ilə qarşılaşıb. İdmançımız 14:2 hesabıyla üstün olub. 1/4 finalda isə o, Macarıstan təmsilçisi Mersedes Deneşi tam üstünlüklə (10:0) məğlub edib. Yarımfinalda rumıniyalı Maqdalina Linquraruya da qalib gələn güləşçimiz finala yüksəlib. Finalda rəqib ukraynalı Natalya Pulkovskanı tam üstünlüklə - 11:0 məğlub edən Mariya Stadnik 4-cü dəfə Avropa çempionu adını qazanıb.
58 kq-da mübarizə aparan İrina Netreba isə mübarizəyə birbaşa 1/4 finaldan qoşulub. Bolqarıstanlı Viktoriya Bobevanı 8:4 hesabıyla üstələyən təmsilçimiz yarımfinala yüksəlib. Yarımfinalda belaruslu Anastasiya Huçok üzərində (6:1) qazanılan qələbə Netrebanı finala çıxarıb. Finalda güləşçimiz Valeriya Jolobovaya (Rusiya) uduzub və gümüş medalla kifayətlənib.
Final görüşləri Bakı vaxtı ilə saat 20:00-da başlayacaq. Güləşsevərlər medal görüşlərini canlı yayımla İdman Azərbaycan telekanalından izləyə biləcəklər.
65 kq
1/8 final - Toğrul Əsgərov - Borislav Noviçkov (BUL) 5-13
97 kq
1/8 final - İvan Yankovski (BLR) - Xetaq Qazyumov 0-7
1/4 final - Staneslav Skaskieviç (POL) - Xetaq Qazyumov 2-6
1/2 final - Xetaq Qazyumov - Pavlo Oleynik (UKR) 4-0
FİNAL - Xetaq Qazyumov - Abdusalam Qadisov (RUS)1-5
48 kq
1/8 final - Mariya Stadnik - Nadejda Fedorova (RUS) 14-2
1/4 final - Mariya Stadnik - Mercedesz Deneş (HUN) 10-0
1/2 final - Madalina Linguraru (ROU) - Mariya Stadnik 0-11
FİNAL - Nataliya Pulkovska (UKR) - Mariya Stadnik 0-11
58 kq
1/4 final - İrina Netreba - Viktoriya Bobeva (BUL) 8-4
1/2 final - İrina Netreba - Anastasiya Huçok (BLR) 6-1
FİNAL - İrina Netreba - Valeriya Jolobova (RUS) 0-5
Milli.Az
Böyütmək üçün şəkillərə klikləyin.
Videonu izləmək üçün şəklə klikləyin.