"Mançester Siti" və Argentina millisinin futbolçusu Serxio Aquero son durumu haqda danışıb.Aquero: "Dünya çempionatında oynamaya bilərəm"
Qol.Az-ın Britaniya mətbuatına istinadən verdiyi məlumata görə, 25 yaşlı hücumçu zədəsini sağaltmaq üçün müalicə aldığını deyib. Aquero bildirib ki, yaşıl meydanlara qayıtmaq üçün tələsmir:
"Tez bir zamanda qayıtmağı düşünmürəm. Nə zaman özümü yaxşı hiss etsəm və həkimlər oynamağıma icazə versələr, o vaxt komandama kömək edəcəm. Çünki oynamağa tələssəm, yenidən zədələnərək dünya çempionatında iştirak etməyə bilərəm. Bunun isə olmasını istəmirəm".
Qeyd edək ki, Aquero Çempionlar Liqasının 1/8 finalında "Barselona" ilə cavab qarşılaşmasında zədələnmişdi.
Milli.Az