İdman

Cənubi Amerika qitəsinin qalibi rəqibimiz oldu

11 Sentyabr 2012 20:10
0 Şərh     Baxış: 938
VTB-də minimal faiz dərəcəsi ilə nağd kredit 10.49%-dən
#NESTLE SA
Qətərin paytaxtı Dohada keçiriləcək klublararası dünya çempionatında "Rabitə"nin sonuncu rəqibi müəyyənləşib. Apasport.az saytının məlumatına görə, A qrupunda yer alan Marçello Abbondanzyerinin yetirmələri Cənubi Amerika qitəsinin qalibi "Sollis Nestle" ilə münasibətlərinə aydınlıq gətirəcəklər.

Belə ki, Braziliya təmsilçisi mundialın son çempionu ilə oynamaq üçün həlledici matçda Argentinanın "Boka Xuniors" klubunu darmadağın edib - 3:0 (25:15, 25:18, 25:9). Bununla da, dünya çempionatının bütün iştirakçıları müəyyənləşib. A qrupunda "Rabitə" və "Sollis Nestle" ilə yanaşı, Asiyanın ən güclüsü - Çinin "Tianjin Bridgestone" klubu, B qrupunda isə Avropa Çempionlar Liqasının qızıl mükafatçısı "Fənərbağça" (Türkiyə), Afrikanın ən yaxşısı "Kenya Prisons" (Keniya) və Şimali Amerika və Karib Dənizi Hövzəsi ölkələrinin (NORCECA) qalibi "Lançeras de Katano" (Puerto-Rika) komandaları mübarizə aparacaqlar.

Xatırladaq ki, ötən il analoji yarışda da "Rabitə" braziliyalılarla eyni qrupda yer almışdı və 3:2 (25:12, 23:25, 25:18, 23:25, 15:6) hesabı ilə qalib gəlmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.