İdman

“Qarabağ” səfərdə qələbə qazanıb - Premyer Liqa

11 Oktyabr 2026 18:32

Baxış: 382

VTB-də minimal faiz dərəcəsi ilə nağd kredit 9.9%-dən

#QARABAĞ

Futbol üzrə Azərbaycan Premyer Liqasında VII turun daha bir oyunu keçirilib.

Milli.Az xəbər verir ki, "Qarabağ" Yevlax şəhər stadionunda "İmişli"nin qonağı olub.

Qarşılaşma Ağdam təmsilçisinin 2:0 hesablı qələbəsi ilə başa çatıb. Qolları 59-cu dəqiqədə Aleksey Kaşuk və 88-ci dəqiqədə Jali Muaddib vurublar. Məlumat üçün bildirək ki, bu, "köhlən atlar"ın Azərbaycan çempionatlarında 1000-ci matçı olub.

Bu qələbədən sonra xallarını 16-ya çatdıran "Qarabağ" 3-cü pillədə qərarlaşıb. "İmişli" isə 4 xalla 9-cudur.

Turun bağlanış oyunu "SOCAR Polymer Arena"da "Şəfa" və "Turan Tovuz" komandaları arasında olacaq. Görüş saat 18:30-da start götürəcək.

Qeyd edək ki, turun əvvəlki matçlarında "Kəpəz" "Araz-Naxçıvan"a 2:0, "Sumqayıt" "Qəbələ"yə 4:1 hesabı ilə qalib gəlib, "Neftçi" - "Sabah" (0:0) və "Zirə" - "Şamaxı" (1:1) görüşləri isə heç-heçə ilə yekunlaşıb.

Müəllif: Ülkər Vəliyeva (Milli.Az redaktor)