İdman

Kvaratsxeliya PSJ-nin rekorduna imza atdı

9 Aprel 2026 11:00

Baxış: 2 755

VTB-də minimal faiz dərəcəsi ilə nağd kredit 9.9%-dən

#FUTBOL #PSJ

PSJ-nin cinah oyunçusu Xviça Kvaratsxeliya Çempionlar Liqasında klub rekorduna imza atıb.

Milli.Az İdman.Biz-ə istinadən bildirir ki, gürcü hücumçu "Liverpul"a qarşı dörddəbir final matçında qol vuraraq 65-ci dəqiqədə komandasının üstünlüyünü ikiqat artırıb.

Matç 2:0 hesabı ilə PSJ-nin xeyrinə bitib.

Bu qol Kvaratsxelyanın cari yarışın pley-off mərhələsində ardıcıl dördüncü qolunu vurması olub. Əvvəllər heç bir PSJ oyunçusu ardıcıl dörd pley-off oyununda qol vurmamışdı.

Belə bir seriyaya imza atan sonuncu oyunçu 2021/22 mövsümündə ardıcıl beş pley-off oyununda qol vuraraq "Real Madrid"i qələbəyə aparan Kərim Benzema olub.

Ümumilikdə, Kvaratsxeliya cari Çempionlar Liqasında səkkiz qol vurub və bombardirlər siyahısında Erlinq Holandla beşinci yeri bölüşür.

Milli.Az