İdman

Ən çox maaş alan yığma məşqçisi olacaq

23 Fevral 2026 09:17
Baxış: 1 443
VTB-də minimal faiz dərəcəsi ilə nağd kredit 9.9%-dən
#KARLO ANÇELOTTİ #BRAZİL #FUTBOL #MAAŞ

Braziliya Futbol Konfederasiyası baş məşqçi Karlo Ançelotti ilə əməkdaşlığı uzunmüddətli əsasda davam etdirmək niyyətindədir.

Milli.Az xəbər verir ki, xarici mətbuatın yaydığı məlumata görə, tərəflər arasında dörd illik yeni müqavilənin imzalanması gündəmdədir.

Məlumata əsasən, nəzərdə tutulan anlaşma qüvvəyə minərsə, italiyalı mütəxəssis milli komandalar arasında ən yüksək maaş alan baş məşqçi statusuna yiyələnə bilər. İddialara görə, onun illik qazancı təxminən 40 milyon avro təşkil edəcək.

Yeni müqavilə şərtlərində əlavə mükafat maddəsinin də yer aldığı bildirilir. Belə ki, Braziliya millisi 2026-cı ildə keçiriləcək dünya çempionatında çempion olacağı halda, Ançelotti üçün 5 milyon avro həcmində bonus nəzərdə tutulub.

Xatırladaq ki, təcrübəli çalışdırıcı Braziliya yığmasına 2025-ci ilin may ayından rəhbərlik edir. Onun rəhbərliyi altında komanda indiyədək səkkiz oyuna çıxıb. Bu görüşlərin dördündə qələbə qazanan "sambaçılar" iki dəfə heç-heçə edib, iki matçda isə məğlubiyyətlə üzləşiblər.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.