İdman

Ançelotti istefa verdi - FOTO

18 Dekabr 2025 13:53

Baxış: 5 150

VTB-də minimal faiz dərəcəsi ilə nağd kredit 9.9%-dən

#TRANSFERLƏR #KARLO ANÇELOTTİ #BRAZİL #FUTBOL

Məşhur italiyalı məşqçi Karlo Ançelottinin oğlu Davide Ançelotti Braziliyanın "Botafoqo" klubunun baş məşqçisi postundan istefa verib.

Milli.Az-ın məlumatına görə, bu barədə klub rəsmi açıqlama yayıb. Yerli mətbuat yazır ki, gənc məşqçinin istefasına səbəb futbolçuların çoxsaylı zədələnməsinə görə fitnes məşqçisi Luka Gerranın işdən çıxarılmasına etirazı olub. Davide Ançelotti rəhbərliyə yalnız bütün məşqçi heyətinin saxlanması şərti ilə klubda qalacağını bildirib. Lakin "Botafoqo" onun şərtini qəbul etməyib.

Davide Ançelotti daha əvvəl "Real Madrid"də atasının yanında və digər klublarda köməkçi-məşqçi kimi çalışıb. "Botafoqo" onun baş məşqçi kimi fəaliyyətə başladığı ilk klub olub.

Qeyd edək ki, o, 2025-ci ilin yayından Braziliya klubunu çalışdırırdı. Onun rəhbərliyi altında komanda 14 qələbə qazanıb, 11 heç-heçə edib və 7 oyunda məğlub olub.

Hüseyn
Milli.Az