PUL
.jpg)
.jpg)
.jpg)
.png)
.jpg)
Fransa millisinin və "Real Madrid"in hücumçusu Kilian Mbappe tarixi rekorda imza atıb. O, karyerasında 400 qola çatan ən gənc futbolçu olub.
Milli.Az-ın məlumatına görə, Mbappe bu göstəriciyə Peledən sonra çatan ilk oyunçudur.
26 yaşlı ulduz hücumçu Fransanın Ukrayna üzərində 4:0 hesablı qələbəsində iki qol vuraraq komandasına DÇ-2026-ya vəsiqə qazandırıb. Onun vurduğu ikinci qol karyerasındakı 400-cü qol kimi qeydə alınıb.
Beləcə, 21-ci əsrdə heç bir futbolçu bu nailiyyətə Mbappedən daha tez yetişə bilməyib. Futbol tarixində 26 yaşa çatmadan 400 qol vurmağı bacaran yeganə digər futbolçu isə braziliyalı əfsanə Pele olub - o, bu rəqəmə 23 yaşında çatmışdı.
Mbappe ilə Pele arasında müqayisələr 2018-ci ildə daha da güclənmişdi. Həmin vaxt fransalı hücumçu Dünya Çempionatının finalında qol vuran tarixdə ikinci yeniyetmə olmuşdu. Bu rekorda ilk dəfə 1958-ci il mundialının finalında Pele imza atmışdı.
Mbappenin 400-cü qola rekord sürətlə çatmasında 2025/2026 mövsümünə uğurlu startı da rol oynayıb - o, klub və milli komanda daxil olmaqla, 20 oyunda 23 qol vurub.
Tural
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.png)
.jpg)
