İdman

"Anam matçda idi, onu da söydülər" FOTO

23 Aprel 2025 11:13

Baxış: 1 795

VTB-də minimal faiz dərəcəsi ilə nağd kredit 9.9%-dən

#MARAQLI #İDMAN #QALATASARAY #FUTBOL

Ziraat Türkiyə Kubokunun yarımfinal mərhələsində "Konyaspor" ilə qarşılaşan "Qalatasaray"ın müdafiəçisi Abdülkerim Bardakçı doğma şəhəri Konya və keçmiş komandası qarşısında emosional anlar yaşayıb.

Milli.Az haberler-ə istinadla xəbər verir ki, oyun başlamazdan əvvəl və matç boyunca "Konyaspor" azarkeşlərinin sərt reaksiyası ilə üzləşən futbolçu matçdan sonra göz yaşlarını saxlaya bilməyib.

Abdülkerim Bardakçı qarşılaşma öncəsi meydanı yoxladığı zaman tribunadakı azarkeşlərin etirazı ilə qarşılaşıb. Gərginlik artdıqca futbolçu tribunalara yaxınlaşaraq onlarla mübahisə edib. Hadisə zamanı "Konyaspor"un futbolçusu Umut Nayir araya girərək Bardakçını sakitləşdirməyə çalışıb və onu hadisə yerindən uzaqlaşdırıb.

"Qalatasaray"a 2022-ci ilin iyul ayında 2,8 milyon avro qarşılığında keçmiş müdafiəçi, matçdan sonra yaşananları titrək səslə belə ifadə edib:

"42 nömrə geyinirəm. Bura doğulub böyüdüyüm şəhərdir. Burada kapitan idim. Bu gün anam, həyat yoldaşım və uşaqlarım matça gəldilər. Anama təhqirlər etdilər, bu inanılmazdır. Konyanı avrokuboklarda təmsil etmişəm. Konyalı olaraq 42 nömrəni geyinməyə davam edəcəm" .

Fidan
Milli.Az