İdman

Bakıda bədii gimnastika üzrə Dünya Kubokunun açılış mərasimi keçirildi - FOTO

18 Aprel 2025 21:31

Baxış: 828

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bakıda bədii gimnastika üzrə Dünya Kubokunun açılış mərasimi keçirilib.

Milli.Az Trend-ə istinadən xəbər verir ki, Milli Gimnastika Arenasında təşkil edilən tədbirdə əvvəlcə iştirakçı ölkələr təqdim olunub, dövlət bayraqları zala gətirilib.

Azərbaycan Gimnastika Federasiyasının baş katibi Fatimə Şəfizadə açılış mərasimində çıxış edərək, bütün iştirakçılara uğurlar arzulayıb.

Açılış mərasimində həmçinin "Gym For All" növü üzrə "Ay İşığı" və "Alov 50+" komandaları xüsusi proqramla çıxış ediblər.

Daha sonra Dünya Kuboku açıq elan olunub.

Azərbaycan Respublikasının Dövlət Himni səsləndirildikdən sonra tədbir bədii hissə ilə davam edib.

Turnirdə 38 ölkədən gimnastlar medallar uğrunda mübarizə aparırlar.

İdmançılar ayrı-ayrı alətlər və çoxnövçülük üzrə öz bacarıqlarını nümayiş etdirirlər.

Azərbaycanı fərdi proqramda çıxış edən Kamilla Seyidzadə ilə Zöhrə Cəfərova təmsil edir.

Ənənəyə uyğun olaraq bu kubokda da ən çox icra xalını toplamış gimnasta "AGF Trophy" kuboku təqdim olunacaq.

Qeyd edək ki, bu gün start götürən yarışlara aprelin 20-də yekun vurulacaq.

Milli.Az

Məqaləyə dair fotomateriallar:

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ