İdman

"Fənərbağça" gənc futbolçu ilə yollarını ayırdı - FOTO

15 Aprel 2025 16:10

Baxış: 1 325

VTB-də minimal faiz dərəcəsi ilə nağd kredit 9.9%-dən

#İDMAN #TÜRKİYƏ #FƏNƏRBAĞÇA #FUTBOL

Trendyol Superliqasında çempionluq uğrunda mübarizə aparan "Fənərbağça"da mövsüm bitmədən gözlənilməz ayrılıq yaşanıb.

Milli.Az türk mediasına istinadla xəbər verir ki, klub cənubi koreyalı futbolçu Jin-ho Jo ilə müqaviləni qarşılıqlı razılıq əsasında ləğv edib.

Məlumata görə, 21 yaşlı yarımmüdafiəçi ilə 3,5 illik müqaviləyə son verilib.

Gənc futbolçu 2022-ci ilin martında "Fənərbağça" gənclər akademiyasına qatılıb və 2023-cü ilin fevralında peşəkar müqavilə imzalamışdı. Cənubi Koreya Futbol Federasiyası ilə bağlı texniki problemlər FİFA tərəfindən həll edildikdən sonra Jin-ho Jo "Fənərbağça" ilə həvəskar müqavilə bağlayaraq U19 komandasında çıxış etməyə başlamışdı. Klub tarixində Kim Min-Jae-dən sonra ikinci Cənubi Koreyalı futbolçu olan Jin-ho ilə daha sonra peşəkar müqavilə imzalanmışdı.

"Fənərbağça"nın gənc oyunçu ilə yollarını ayırmasının səbəbləri açıqlanmasa da, qərarın qarşılıqlı razılıq əsasında verildiyi bildirilir.

Fidan
Milli.Az