İdman

Qovulmasına səbəb olan şalvarını SATIR - FOTO

20 Fevral 2025 09:23

Baxış: 894

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #MƏŞHURLAR #ŞAHMAT #İDMANÇI

Norveçli qrossmeyster Maqnus Karlsen dünya çempionatından qovulmasına səbəb olan cins şalvarını hərraca çıxarıb.

Milli.Az qafqazinfo-ya istinadən xəbər verir ki, o, bu barədə "X" hesabında məlumat paylaşıb.

"Cins şalvarımı hərracda satıram. Belə bir şey yazacağımı heç düşünməzdim. Bütün gəlir xeyriyyə proqramına gedəcək", - Karlsen sosial şəbəkə hesabında yazıb.

Xatırladaq ki, qrossmeyster ötən il ABŞ-nin Nyu York şəhərində keçirilən rapid üzrə dünya çempionatından qovulub. Buna səbəb onun cins şalvar geyinməsi olub.

Belə ki, Beynəlxalq Şahmat Federasiyası yarış üçün geyim forması müəyyənləşdirib. M.Karlsen isə buna əməl etməyib.
Əvvəlcə məşhur şahmatçıya geyimini dəyişməsi və cərimə ödəyərək geri dönməsi təklif edilib. Lakin norveçli qrossmeyster bundan imtina edib. Nəticədə o, yarışdan qovulub.

Milli.Az