İdman

Azərbaycan üçün Çempionlar Liqasında YUBİLEY - 100-cü sınaq

6 Avqust 2024 10:56
Baxış: 1 097
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

Çempionlar Liqasının bu gün keçiriləcək "Qarabağ" - "Lüdoqorets" matçı Azərbaycan futbolu tarixinə yubileylə düşəcək.

Milli.Az İdman.Biz-ə istinadən bildirir ki, bu, təmsilçilərimizin qitənin ən nüfuzlu klub turnirində 100-cü oyunu olacaq.

Azərbaycan klubları indiyədək Çempionlar Liqasında 99 görüş keçirib. 35 qələbə və eyni sayda məğlubiyyəti olan çempionlarımız 29 heç-heçə edib. 114 qol vuran komandalarımız 118 top buraxıb.

Çempionlar Liqasında Azərbaycanın 7 klubu iştirak edib. "Qarabağ" hamıdan çox - 53 oyuna çıxıb. "Neftçi"nin hesabında 22 matç var. "Bakı", "Şamaxı", "Şəmkir" hərəyə 6, "Kəpəz" 4, "Xəzər Lənkəran" 2 sınağa çıxıb.

Qeyd edək ki, ölkəmiz üçün Çempionlar Liqasında debüt 1997/98 mövsümünə təsadüf edib. "Neftçi" Polşa "Vidzev"i ilə hər iki matçda uduzub - 0:2, 0:8.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.