İdman

Zaur Qəhrəmanov vəzifəsindən istefa verdi

31 Mart 2024 16:34

Baxış: 1 231

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #NEFTÇİ #FUTBOL

Zaur Qəhrəmanov "Neftçi"nin Müşahidə Şurasının üzvü vəzifəsindən istefa verib.

O, bu barədə sosial şəbəkə hesabında məlumat paylaşıb:

"Təyin olunduqdan düz 9 il sonra, bu həftə doğma "Neftçi" Klubumuzun Müşahidə Şurasının üzvü vəzifəsini tərk etməyi qərara almışam.

İllər öncə bu uzun və şərəfli yola çıxmışdıq. Yıxıldıq və ayağa qalxdıq, amma əsas məqsədimizə, yəni "Neftçi"mizi Azərbaycan futbolunun zirvəsində öz layiqli yerinə qaytarmaq üçün, heç vaxt dayanmadıq. Qüdrətli və demək olar ki yenilməz rəqib dövründə bu çox çətin bir iş idi.

Xoşbəxtəm ki, uzun illərdən sonra klubumuzu maliyyə böhranından qorumaq və bütün borclarını bağlamaq, 2020/2021 mövsümünün çempionluğunu qazanmaq, akademiyada gələcək üçün islahatlar aparmaq və uşaqlarımıza şans vermək, Respublikada ilk klub televiziyası yaratmaq və real sponsorluq müqavilələrini imzalamaq kimi nailiyyətləri birlikdə bacardıq. Təəssüf ki, daha çox görünən uğursuzluqlar oldu. Yerinə yetirilməmiş ümidlər üçün üzgün olmağımı vurğulamaq istərdim.

Fürsətdən istifadə edərək, klubumuzda işləmək şərəfini bölüşmək şansım olan hər kəsə - keçmiş və indiki Müşahidə Şurası üzvlərinə, bütün baş direktorlar və prezidentlərinə, baş məşqçilərimizə və futbolçularımıza, bu çətin yolda bizə kömək edən az saylı altruistlərinə və əlbəttə ki, klubda çalışan görünməz qəhrəmanlarına dərin təşəkkür etmək istəyirəm.

Hər birinizə xatırlamaq istəyirəm ki, bizi birləşdirən ağ qara qanımızdır!

Bir kəs "Neftçi"li, həmişə "Neftçi"li!".

Milli.Az
Xəbərlərimizi WhatsApp kanalımızdan da oxuyun